作者: waiwinglaiyee

尋日同阿仔去超級巿場，

佢例牌好快咁就走去睇魚魚，同埋去睇青蛙，(即係賣魚同賣田雞果度)

每次見到青蛙，佢都依依丫丫，勁興奮，

興奮過後，就完全唔再理d蛙，

走左過隔離冇遠有一檔sell唔知係魚蛋定牛丸既檔攤，果度仲有得試食，

佢又依依丫丫，姨姨問佢食唔食，佢就狂點頭，

食落津津有味，好開心就走開左，在超巿裡亂跑一論。

等到媽咪都來到，佢搶左駕手推車，竟然話要自己駕車，

大佬呀，你同手推車一樣咁高咋，點駕車呀？死推就得咩！？

佢又唔肯比人幫，駕車果陣，個額頭仔係咁撞埋手推車既手推果度，

唉！睇見都笑。

最慘既係佢亂咁推，冇方向，咁就梗係四圍撞啦，

友佢駕了一個圈，又返到唔知係魚蛋定牛丸既檔攤，依依丫丫又話要食，

呢個仔，真係餵食仔，兩歲幾既佢要學自主，都好既，

總算係一個開心既餵食仔，

對住佢，真係唔知好嬲定好笑！

轉眼間，又過了聖誕，今日已經BOXING DAY了。

老實說，大部份人都不懂聖誕的意義，或者也不想去了解和深究。

平安夜幾廿萬人在尖沙咀慶祝，十居其九都未認識耶穌，

信耶穌而又對信仰認真的，都已經返到教會內聚會，或到街上報佳音，

不信耶穌的，走到街上去慶祝，慶祝些甚麼？有甚麼值得慶祝？

只是為慶祝而慶祝罷了，

在普世歡騰的日子，竟然大眾都忘了誕生的主角，簡直就係一個笑話。

幸好，在教會之內，24/12是星期日，各大小教會皆有聖誕崇拜，

在呢日既崇拜之內，教會加插了兒童奉獻禮這個環節，

阿仔係四個兒童之中其中一個，

兒童與其父母共四個家庭上到台上，接受牧師的祝福，

阿仔既攪笑引起全場的歡笑，

無啦啦，又未論到佢，佢舉起隻手，同大家打招呼，

無啦啦，佢見到隔離單位個女仔，竟然伸個頭走去錫人地，

真係比佢笑死，同埋激死，

好彩大家都係笑，認為係細路仔純真同可愛，

不過，如果再大D都仲係四圍錫女仔，或者搭人地膊頭，

到時就真係惡攪，

傳道人個仔，竟然係色狼！？

今晚冬至，到太太娘家吃晚飯，

隨街泊車，獲冬至禮物乙份，

牛肉乾一張，乘為港幣三百二十元正，

多謝警察叔叔。

至於阿仔，禮物仲豐富，真係大豐收，

先有三獎THOMAS火車頭屋企穿著既拖鞋一對，

仲有二獎SNOOPY晨褸一件，o岩哂訓覺前後用，

再加至勁頭獎DISNEY既電動玩具過山車一盒，

經檢查後，仲發現可愛小熊仔手物一對，

同埋巴斯光年鐵盒餅餅一罐，

簡直就係滿載而歸，令人羡慕。

嗚… 我情願要佢既禮物！

記得阿仔最初，是先叫「爸爸」，真係開心到飛起。

以下找來一則笑話：

話說一對年輕夫妻，有一個剛開始牙牙學語的小孩。

做老公的看老婆常常很用心的教導孩子叫爸爸，

於是大受感動，覺得老婆實在太好，

先教孩子叫爸爸，而不是先叫媽媽，

覺得真幸福。

在一個寒冬深夜，

孩子哭鬧不休，一直高呼求救，

此時夫妻二人睡的正好，

老婆就推了推老公，說：

你的兒子一直在叫你，你趕快去啦！

這時，老公才醒悟過來…

往事只能回味。

如果再生BB，我都情願他叫「爸爸」先，

無論幾時，諗起就開心，又自豪。

上星期三，同阿仔一齊睇醫生，由於阿仔驚醫生，於是醫生先睇我，然後再睇阿仔。

我以為係佢傳染我，點知原來唔係，我地兩個既病唔同，我感冒，佢只不過係鼻水倒流。

於是呢幾日，我地齊齊食藥，齊齊一早大覺訓，

仲要同阿仔媽咪分房訓，

第一晚我同阿仔去訓細房，

第二晚由於我同阿仔太早訓既緣故，結果媽咪訓細房，

今次雖然病，但卻係前所未有咁溫馨，

係阿仔比我既另類樂趣，

老婆冇份。

…

同病並不一定相憐，有時一齊病，人竟然都會開心，

不過都要睇同邊個，

唔理佢覺唔覺，我自己覺就得。

因為阿仔病唔病都咁開心，真係佩服。

為了教阿仔說話及學習，屋企一直存有幾隻VCD及CD，以供播放。

阿仔的至愛，或我地想阿仔去睇既，係一個系列，名叫「恐龍仔班尼」。

當中，有兩隻係經常播放的，其一是ABC，其二是動物園，

昨天早上，阿仔一起身，食早餐之際，就指住電視話要開黎睇。

於是我就好溫柔咁問佢：「你要睇乜野呀？係睇ABC丫，定係睇動物園呀？」

阿仔跟住就講：「動物園。」(係發音十分不準的BB話)

於是我就梗係播比佢睇啦。

誰不知，看了不夠十秒鐘，佢指住電視，大聲叫：「ABC。」

我以為佢揀錯左，作為滿有愛心的爸爸，實在好希望滿足阿仔的期望，於是我就轉左隻ABC比佢睇。

點知，又看了不夠十秒鐘，佢又指住部電視，呢次大聲叫：「動物園。」

我方知被騙，結果指住佢，罵道：「喂，你自己揀個喎！ABCX!@#@!動物園8^%yz」，然後就唔再理睬佢。

唔理佢之後，佢就好乖咁坐定定，一邊睇ABC，一邊講ABC。

食完早餐就返學去了。

…

原來，要滿足一個人，可能冇得選擇會更好。

不過，若然有得選擇，豈不就更應該滿足，是嗎？

今日阿仔成8點2先起身，

在忙碌趕急又冇特別事情發生的情況下，(例如阿仔突然要大便，嘔，跳落車要行路等等)，

最後竟然能在開始做早操前一秒趕抵學校。

阿仔做哂成個早操, YEAH YEAH YEAH!!！

咁都趕到，真係冇幾可；

要有成功感，原來就係咁簡單。

這陣子，阿仔學講野學得不錯，

其中有兩組發音都發得幾準，

呢兩組發音，已經係佢每日裡面大部份說話既內容，

第一組發音，係「唔好」，

發音清淅，相當清楚，就連發夢都講住；

第二組，係"NO"，

準確到痺，仲有埋鼻音o忝，

問你怕未。

…..

話說尋日阿仔因為冇著鞋返學，於是惟有著左學校果對返來屋企。

昨晚，我回家一開門，見到阿仔穿住睡衣褲，但著住一對短Boot，在廳中間踏單車；

睡衣褲 + 短Boot + 踏單車，呢個造型都真係幾有趣。

見佢咁鍾意，我就今早幫佢著呢對短Boot，又帶返原本在學校果對鞋返學。

估唔到佢鍾意對Boot鍾意成咁，返到學校，佢竟然唔肯換鞋，

最後，我就惟有扮唔知，在唔理有冇人見到既情況下，拉著佢入去操場裡面，

今次剛好趕得切，做到少少早操。

我將果對鞋，放番在鞋架上，

聽日唔再著短Boot。

每逢駕車進出屋苑大閘之時，我總會舉起手與護衛打招呼，

昨天晚上，與太太和阿仔出街吃飯，去到大閘，

突然間，阿仔舉起隻手，同護衛打招呼，笑爆肚；

唔單止咁，食完飯回家途中，停在紅綠燈位，

阿仔竟然舉手，同隔離車既司機打招呼，

笑死我地同埋果個司機。

太太話：「你打招呼，佢學你打招呼，咁先至一家人丫麻。」

…

今朝一早，烚左隻蛋比阿仔食，

阿仔八點二先起身，雖然我幫佢著多件衫，不過佢都又打左兩個噴嚏，

於是用了一粒魚肝丸糖，換佢食一次藥，

結果，又遲左出門口，累到阿仔又做唔到早操。

後來，我發現，原來阿仔淨係著住對襪，

我竟然唔記得幫阿仔穿鞋，呢次係第一次。

好彩… 學校有對鞋。