餵食仔駕超級車

尋日同阿仔去超級巿場，

佢例牌好快咁就走去睇魚魚，同埋去睇青蛙，(即係賣魚同賣田雞果度)

每次見到青蛙，佢都依依丫丫，勁興奮，

興奮過後，就完全唔再理d蛙，

走左過隔離冇遠有一檔sell唔知係魚蛋定牛丸既檔攤，果度仲有得試食，

佢又依依丫丫，姨姨問佢食唔食，佢就狂點頭，

食落津津有味，好開心就走開左，在超巿裡亂跑一論。

等到媽咪都來到，佢搶左駕手推車，竟然話要自己駕車，

大佬呀，你同手推車一樣咁高咋，點駕車呀？死推就得咩！？

佢又唔肯比人幫，駕車果陣，個額頭仔係咁撞埋手推車既手推果度，

唉！睇見都笑。

最慘既係佢亂咁推，冇方向，咁就梗係四圍撞啦，

友佢駕了一個圈，又返到唔知係魚蛋定牛丸既檔攤，依依丫丫又話要食，

呢個仔，真係餵食仔，兩歲幾既佢要學自主，都好既，

總算係一個開心既餵食仔，

對住佢，真係唔知好嬲定好笑！