聖誕禮物

今年既聖誕禮物, 絕對係令人失望甚至憤怒！

牛肉乾… 又係你!? …仲係兩張打孖黎!? 成年都唔黎係等聖誕先黎…

香港政府….真係高效率…

真係想講番d生果名…蘋果香蕉橙士多啤梨…

阿仔仲慘, 報佳音後返到教會，

跑步跌倒個頭撞落個門鎖之類既位…然後大喊..

今次真係眼睜睜睇住佢個樓一分一分咁脹起，附近d血管定係青根又現埋,

我諗冇一cm高都有7-8mm高，好恐佈，嚇死我，

但係唔想嚇親佢，只能夠响個心到震，

好在教會有兩個護士長响度，但係都真係怕怕。

阿仔呀，爸爸賣左層樓，冇諗住咁快就再買樓架，

你唔好自把自為喇，潛建犯法架！