嘩！好痛！

呢期大仔晚晚睇鹹蛋超人迪加，

之後臨瞓前就例牌o係大床度跳同叫，

怪獸呢個角色永遠都係我去飾演，

好彩超人都仲係錫住怪獸冇認真打落黎。

但誓都估唔到既係，得四個半月既細仔，

為左訓練手眼協調，尋晚佢隻手仔捉實一個曉響既啷啷，

竟然係咁「鏘」我個膝頭；嘩，真係好痛！

媽咪仲話：「弟弟，快d長大，同哥哥一齊夾攻爸爸！」

我都期望弟弟快d長大，但係唔係好敢想太多。

我諗我比佢地兩兄弟打傻左，而家係度一邊打字一邊笑，

果然，一切都是恩典，

人不能自救。

感謝神！