幫爸爸著襪

今朝送仔返學之前，

正當著襪之際，

阿仔無啦啦走埋黎，說：「我幫你著丫。」

跟住我就交左隻襪比佢，說：「好丫，唔該哂。」

佢左拉右扯，成功將我的四隻腳趾套入襪內，

攪左半分鐘，正式宣布：「唔得呀。」

望著佢幫我著襪既過程，內心暖烘烘，

為免佢失望，我立時便捉住佢隻小手，

一套一扯，就將隻襪著好左，

然後同佢講：「唔係丫，咪著左囉；叻仔，唔該哂！」

阿仔見隻襪成功著左，好開心，笑住出門口。

見到阿仔開心，我又開心埋一份。

…

阿仔，你學識自己著襪先啦；

到爸爸第日自己著唔到襪，到時唔知你會唔會幫我呢。