反斗狗仔隊

近日有一好友買了一頭好狗，於是常常想著要帶阿仔去好友家中睇狗仔；

雖然仲未去到，但尋日在街邊看見一套戲，叫反斗狗仔隊，於是租番去比阿仔睇，

以為可以令一向鍾意動物既佢雀躍一點，點知事與願違，

開戲唔夠十分鐘，阿仔即係大聲叫：「好驚呀！」

事緣有一幕，反斗狗仔夾計將一個女人綁住，又跘跌一個男人，

阿仔睇見之後，就好驚狗，嚇到心慌慌，我地見狀梗係即刻停播喇。

阿仔成晚都呆哂，真係嚇親，佢仲將隻VCD放番入我個背囊度，表明驚驚，

唉，不嬲都知阿仔細膽，不過冇諗到會細成咁樣，

睇黎要等一排先好帶佢睇真狗咯。