電單車

今朝早阿仔返學出門口，佢話要坐電單車返學，

我同佢講：「我地冇電單車，唔坐電單車返學，坐手推車喇！爸爸推你返學。」

點知佢話：「唔坐手推車，坐電單車。」

o係我仲疑惑緊既時候，佢走左去攞架單車出黎，

指住呢駕三輪車，佢話：「爸爸，坐電單車返學，好唔好呀？」

望住佢咁可愛既樣，我就應承佢；

如是者，佢就坐住呢駕電單車，其實係腳動再加爸爸後面推動既三輪車，

阿仔駕左左十五分鐘，終於返到學校。

…

阿仔大個唔好駕電單車呀，好危險o架！

(係果D唔怕危險既叔叔先會駕電單車架，佢唔會撞親但係就有機會壓親咁囉。)