今朝一早媽咪渣左車返工，但係阿仔駕手推車就係私家車裡面，
換言之冇得推車，阿仔又接近三十磅，抱唔得幾耐，
於是父子二人只有慢慢行返幼稚園。
未出屋苑，阿仔話要去百佳，唔返學，拖我要行某方向，
我唔理佢，仲同佢講：「丫，前面唔知有冇狗狗呢？」於是佢就跟住行。
出左屋苑，行左一陣，阿仔同我講：「冇狗狗喎。」我微微咀笑。
行下行下，過左紅綠燈，遇到一對公公婆婆，佢地問 “濕地公園" 點去，我就話比佢地聽點樣去，
阿仔聽到，又話要去濕地公園，唔返學，拖我返轉頭，
我又唔理佢，仲同佢講：「你自己去啦，你跟公公婆婆去啦。」婆婆遠遠笑著望住我地，阿仔結果又跟我繼續行。
又過左條馬路，我同阿仔發現路邊有好多小黃花，沿途仲有好幾隻蝴蝶，仲有麻雀仔，條路好好行。
原來有時唔推車，同阿仔慢慢行，雖然用多兩三倍時間，但所遇到或得到的，反而更開心。
人生有時實在太匆忙，錯過了身邊的一切美事。
謝謝媽咪，忘記了放底手推車，造就此次美好回憶。
網站標題 
HAAHAA.."]]
梨個仔好得意ARRR.."]]
系吾系相個個!?
讚讚
係呀，就係張相果個囉，佢好好玩架…
讚讚
點解呈豐返教會同返學可以差咁遠既…..
讚讚
煦謞ㄛ啄啄暫桉笢ㄛ傘傔疑珨祡ㄛ斕琌?源醱船罫珂ˋ
讚讚
係你日記講到好童真、好乖巧咁
係教會就好似過份活潑….成日走黎走去=v=
捉都捉唔住
讚讚
哦，一般BB仔從半歲起就開始認人，開始只肯跟熟人，雖然呈豐從小便已返教會，但其實而家都冇乜邊個捉得到佢，佢亦唔肯入兒拜坐定定，所以成日走黎走去，乖巧活潑嘛。
讚讚