你覺得, 爸爸最錫邊個？

昨晚，吃晚飯時，聽到《愛回家-八時入席》一句對白：「爸爸最愛錫既係你。」

於是我就問問兩個兒子：「你覺得，爸爸最錫邊個？」

呈禧指著自己，開心地說：「爸爸最錫是我。」

我望著呈豐，他說：「爸爸最錫的應該是媽咪，或者是弟弟。」

媽咪對呈豐說：「唔知爸爸會為左邊個人放假呢？話打羽毛球就去打羽毛球，話去捉Pokemon就去捉Pokemon。」呈豐聽完之後默不作聲。

***

今早送完呈禧之後，我對呈豐說：「細佬今年四年班，由細到大就問題多多，呢段時期需要父母關注多啲，我地對佢既愛都會表達得直接啲既。 」

「豐, 至於你呢, 你知道爸爸媽媽都錫你嘅, 不過你要知道，而家你讀中學，是一個自我探索階段，無論是讀書方法，朋友關係，都要有新既適應，要有空間。我同媽咪對你既愛，就會含蓄啲，冇咁直接架喇。妨且你都開始大，又會怕人煩，你都唔想媽咪成日同你講 唔准呢樣，唔准果樣喇。 」

我停了一停再說：「不過無論細佬情況點都好，你都唔好以為我地錫細佬多啲，你要知道，有一個客觀既事實，就係我同媽咪永遠都錫多左你三年，呢個事實係永遠都唔會改變既。」

轉眼間，已到呈豐學校，他下車時，說：「拜拜爸爸。」就我所聽，聲音是積極的，聲量比平時大了幾倍。