出Camp

去完Camp，返到屋企，全家都High到震，

一入門口阿細竟然趕著扶住要行過來，

阿大成晚貼到實一實，成晚話好掛住我，

到第二晚瞓覺，講左一句：「冇爸爸我就唔瞓。」

坐在旁邊的我雖然心裡甜到漏，但始終不能助長此風，

於是回應一句：「好！爸爸要做野，你一於唔好瞓。」

由於阿仔下午去左游泳池玩左一粒鐘，實在倦透，笑了一笑，卻無意起床，

於是我勸了又勸：「唔可以咁架，爸爸唔响度你都要瞓架！知唔知道！？」

阿仔點了點頭，我坐在他身旁，過不多時，他便入睡了。