放水

呢期細仔次次沖涼都手舞足蹈，認真棧鬼。

同大仔一樣，佢沖涼係响一個沖涼盤裡面的，

個比例就好似大人浸响浴缸一樣，而且同浴缸一樣有一個去水位。

早兩日，話說又幫細仔沖涼，

佢經常都手撐腳撐，有時捉住個網，有時捉住個盤，有時又會扯住我d手臂、衫或者係頭髮，

點知佢今次大力一扯，扯走左去水位果個塞，

水向低流，既急且快，我响佢隻手搶得番個塞再塞住既時候，已經半個客廳水浸，

弄得狼狽不堪，雞手鴨腳。

印象中，呢次都係第一次，幫大仔沖涼從來都未試過。

應該唔駛買保險防水啩！