中秋節

短宣回來至今終於補到一日假，係中秋節正日。

下午三時，我帶呈禧去健康院打針，

嫲嫲一齊去，問我：「做咩揀今日打針？」

我答：「有咩野問題？」

嫲嫲笑說：「過節嘛。真係慘！BB第一次過中秋，就要打針。」

我笑答：「咁先應節丫麻！」

不過打釘唔係打响八月十五果度，而係打大脾。

BB喊左兩聲，未出打針間房就已經冇喊，好堅強！

佢一定唔會記得呢次中秋節，但嫲嫲就會記得，

我都實會記住，快樂的打針日子，呈禧第一次過中秋。