第一、二個字

弟弟身體健康，進展良好。

每次肚餓要飲奶，弟弟都變身大聲公，大哭大叫。

我發覺，佢原來已經發到兩個音，應該係佢識叫既第一同第二個字。

第一個識既字，肯定唔係叫「爸」或者「媽」 (發夢冇咁早)，

喺喊既時候，佢會叫「鴉~ 唔鴉~ 鴉~ 唔鴉~~  鴉~~唔鴉~~」；

每次我都整鬼佢：阿仔呀，你係想話「鴉」丫，定係想話「唔鴉」呀！？

呀仔梗係唔理我喇，係咁一直「鴉」同埋「唔鴉」，

直到有支奶塞入佢個口，就即刻鴉都唔鴉o勒！