BB床事件

BB回家了，母子平安！多謝大家既支持同掛念！

早幾日，作爸爸的我重新安裝了BB床，清理妥當，留給新生的弟弟；

誰知，呈豐乘弟弟在醫院未回家，夜晚突然同我講：「我想訓BB床。」

由於弟弟未出院，於是就讓呈豐瞓左兩晚BB床。

但係第三日弟弟出院，問題就黎嘞，

就係呈豐夜晚要瞓BB床，佢要同弟弟一齊瞓喺一張好細既BB床果度，

弟弟咁單薄，梗係唔得啦，容乜易呈豐半夜一腳就送走剛出世既弟弟架！

幾經辛苦，終於游說到呈豐瞓返大床，夾喺爸爸媽媽中間，

但我發覺佢已經有D唔開心，但由於佢勁錫弟弟既緣故，所以才肯讓步。

…

幼稚園既校長話，有D做哥哥姐姐既會妒忌弟弟妹妹，有D仲會靜雞雞打佢地o忝，

希望呢種情況，唔會發生喺呈豐同弟弟身上，

不過，相信BB床只係第一單引發衝突既事件，應該都錄續有來。