牛牛呢？

尋日早走，去接阿仔放學，又遊了一轉綠田園，

今次由於係平日，一個客都冇，只見兩個工作人員，

我地又走去睇牛睇羊，發現果三隻黑山羊比人困住左，仲上埋鎖，

隻牛就唔知去左邊，又唔見哂d賣草既阿婆，人影都唔多個，

探完羊羊之後，已是黃昏，我地便慢慢行離開，

阿仔不斷咁問：「牛牛呢？」

我地答佢：「牛牛放假呀，去左街食草。」

去到大門口，見到個大叔，我地問佢：「牛牛呢？唔見左既？」

佢舉手指住某個方向，答我地：「牛牛去左果邊食草，我地係假期先至困住佢，平時由牠四圍走。」

聽罷，阿仔好似明明地，好期望假期既來臨，到時可以再見牛牛。

雖然係咁，走既時候，依然係喊到死。

阿仔，星期六我地再黎探牛牛啦。