「優異獎」

今早送阿仔返學，班裡面只係得六個小朋友，好多人冇返學。

老師問我：「呈豐既鼻水好厲害喎，又有眼水，醫生點講呀？」

我答：「醫生話有d傷風，加鼻鼻有dd敏感啫。」

老師：「咁… 平日，如果唔返學，有冇人睇仔呀？」意思係話有病就唔好返學啦。

我扮傻咁答佢：「冇噃，小小鼻水啫… d藥差唔多食哂喇…

…或者我睇下聽日點啦，如果仲未好，就叫嫲嫲睇一日啦。」

老師一邊ee俄俄，一邊幫阿仔帶口罩，

為左吸引佢帶，老師仲貼左一張貼紙喺個口罩度，

貼紙上寫住：「優異獎。」

喂，老師，呢張貼紙，好…諷刺喎！