「爸爸，你做咩野剪左頭髮，好似個獅子咁樣既？好有型呀！」
「… 個頭係鬆dd啫，唔係獅子啩。」
「咁係老虎呀？」
「……唔係啩」
「咁係豹呀？」
「…………」
網誌
感動
星期六晚過了十時半才返到屋企，阿仔竟然未瞓，
一開門，佢即刻同我講：
「爸爸，我唔買玩具車，留返d錢比你撘巴士返屋企，可以早d返來同我玩。」
原來阿仔問媽咪：「點解爸爸咁耐都未返來？」
媽咪答佢：「爸爸因為要買玩具車比呈豐，冇哂d錢，要由屯門行路返天水圍。」
…
阿仔既說話真係令我好感動。
爸爸，撻撻
小朋友最喜歡玩，而家每一晚臨瞓前之例牌壓軸合家歡活動，係超人與怪獸大戰既「撻撻撻」。
最攪笑既係，細仔呈禧依家只得一歲一個月，幾乎乜野都唔識講，尋晚竟然識講兩個音，
就係「爸爸爸爸… 撻撻撻撻…」，
昨晚食完飯，佢自己爬去大床，又爬返來客廳，
來來回回幾轉，話要玩撻撻撻，超勁好笑。
最後梗係圓佢心願喇！
豬腳見親情
惡爸爸，好爸爸
以下係呈豐同佢兩個同學仔既對話，係由老師講給我們知道的：
呈豐：我爸爸好惡架！
女同學：我爸爸仲惡呀！
男同學(樣貎身形甚似忌安)：我爸爸仲惡呀，佢一發惡就會踩爛晒我d玩具架！
呈豐同女同學對望一眼，O晒咀：…
自始之後，呈豐再唔覺得自己爸爸惡，覺得爸爸好好。
…我都覺得自己係好爸爸。
輪到爸爸
今次係… 食物中毒，
仲係自己攞黎衰。
出院
奮戰兩夜兩日夜後，醫院比阿禧星期一晚放假返屋企,
返到屋企都起左一次燒，吃藥後整晚都冇翻燒，
今朝星期二返醫院見醫生，醫生都准佢出院,
返到屋企又係起燒，又要食藥，但係都總算出左院。
未能一一致謝，但多謝各位叔叔姨姨哥哥姐姐既關心。
都唔知買保險黎做咩…
如果有下次, 一定入私家醫院, 唔駛諸多限制, 太麻煩…
入院
踏入六月的第三個小時，
細仔發高燒，仲抽埋筯，
急Call白車，要留院觀察，
不用擔心，但請記念。
四隻牙仔
阿細仔勁得意,
佢出左下面兩隻門牙, 而家又出緊上面兩隻。
响屋企爬來爬去追哥哥, 爬得好穩陣; 雖然勁快, 但又點追到哥哥丫。
分床睡
大仔由歲半起，就已經由BB床爬過來大人床，要貼實同我地瞓覺。
不經不覺佢已經四歲，每天晚上，除了要抱佢去屙夜尿之外，
呢個星期又有新搞作，就係要佢去瞓返自己張床。
我地早幾年已經買左張子母床，係車仔形狀的，
話說幾個星期前去過一次玩具反斗城，我地話買佢日日都話要既變形金刪大黃蜂比佢，
陪佢瞓覺，不過要去返自己張車仔床果度瞓，
最後佢竟然話唔買唔要，都要留返同爸爸媽咪一齊瞓。
星期六晚，又走左一轉反斗城，買左個超人迪加4D Puzzle，
晚上鼓勵佢瞓响車仔子床，爸爸則會睡在母床，終於都成功左。
等佢瞓著左，我緊係走返去大床度瞓覺，將母床交返比工人瞓。
以為一切搞掂，點知，夜裡四更天，阿仔半夢半醒，見下面果個唔係爸爸，
竟然喊起來，又走落去駡工人，仲用腳踢佢，上上落落踢左四次。
似乎呢個問題，仲需要一些時間才可以解決。
阿仔真係好錫爸爸，當然我都唔捨得，只係為左要佢獨立D，都一定要佢習慣自己瞓。
網站標題 